حديث بين اثنين يشرح حال اليوم

-أهلا بيك يا أخ مهدي
=أهلا بيك يا فندم
-أرجو ان مشكلتك متكونش مشكلة خاصة زي مشكلة المواصلات والمساكن وإنقطاع المياه والنور ولا قلة المرتب ولا ..
=لا لا انا كل اللي طالبه من سيادتك حاجة واحدة بس انا هفوت على سعادتك كل أول شهر واديك مرتبي كله وعايز حضرتك بقى تأكلني وتكسيني وتسكني وتجوزني
-ماشي يا أخ مهدي بس ..
=بس ايه يا فندم ؟؟
-بس هلبسك خيش
=ماشي
-هوكلك زلط
=نعمة
-هشربك المر
=هيكون أكتر من اللي انا شاربه ؟!
-هسكنك في خرابة
=زي بعضه
-هجوزك قردة
=حد طايل
-طيب يا ابني لما انت صابر وقنوع بالشكل ده ليه المرمطة ؟! ما تصبر شوية هو الصبر وحش ؟! .. وبعدين انت صابر على الحال اللي انت فيه ده بقالك قد ايه ؟!
=من يوم ما وعيت ع الدنيا
-خلاص كمل جميلك واصبر كمان كام سنة ، مش كتير لغاية سنة 2000
=وبعدين ؟!
-هتتعود .. يعني قصدي أقول هتتعدل وكل شيء هيبقى تمام
=وعد شرف ؟؟
-هو انا حيلتي غيره
=انهو فيهم الوعد ولا الشرف ؟!
-طبعا الوعد

» (حديث أم معبد في وصف الرسول (ص
» حديث وشعر عن الأم
» موظف اليوم السابع
» لا تؤجل عمل اليوم الى الغذ
» هل تعلم / لو شممت رائحة قبل 20 سنة ثم شممتها مرة أخرى اليوم